Jo Hain Aashna Sar e Asrar Ke

Jo hain aashna sar-e-asraar ke Woh hain yaar har yaar-o-aghyar ke

Andhera ujaala nihaan aur ayaan Yeh jalwe hain sab jalwa-e-yaar ke

Bahaar-o-khizaan hum pe hai eksaan Kabhi yaar gul hain kabhi khaar ke

Never Be Without Your Favorite Lyrics - Get the App for Offline Access!

Udhar ki nahin jaante rasm-o-raah Miyaan hum toh baashinday hain paar ke

Bana tod hasti ki le ganj-e-wasl Bada ganj hai zer-e-deewar ke

Kahaan se kahaan le ke pahuncha yeh dil Malaa'ik jahaan se rahe haar ke

Nahin Qais-o-Farhad sa main Niaz Ke hoon gard-o-sehra-o-kohsaar ke