Yaar Ko Hum Ne Ja Baja Dekha

Yaar ko hum ne ja ba ja dekha Kahin zahir kahin chupa dekha

Kahin mumkin hua kahin wajib Kahin faani kahin baqa dekha

Deed apne ki thi use khwahish Aap ko har tarah bana dekha

Soorat-e-gul mein khil khila ke hansa Shakal-e-bulbul mein chehcheha dekha

Shama ho kar ke aur parwana Aap ko aap mein jala dekha

No Internet? No Problem! Get the App for Offline Lyrics!

Kar ke dawa kahin Ana al-Haq ka Bar sar-e-daar woh khincha dekha

Tha woh bartar shuma-o-ma se Niyaz Phir wahi ab shuma-o-ma dekha

Kahin hai badshah-e-takht nasheen Kahin kasa liye gada dekha

Kahin aabid bana kahin zahid Kahin rindon ka peshwa dekha

Kahin woh dar libas-e-mashooqa Bar sar-e-naaz aur ada dekha

Kahin aashiq Niyaz ki soorat Seena-e-biryan-o-dil jala dekha