Ishq Mein Tere Koh e Gham Sar Pe Liya

Ishq mein tere koh-e-gham sar pe liya jo ho so ho Aish-o-nishaat-e-zindagi chhor diya jo ho so ho

Poocho na mujh kharab se yaaro salah kaar tum Apne to ab rahe nahin hosh baja jo ho so ho

Mujh se mareez ko tabeeb haath apna mat laga Is ko Khuda pe chhor do bahar-e-Khuda jo ho so ho

Aql ke madrasah se uth ishq ke may-kadeh mein aa Jaam-e-fana-o-bekhudi ab to piya jo ho so ho

Laag ki aag lag uthi pamba-namat sa jal gaya Rakht-e-wujood jaan-o-tan kuch na bacha jo ho so ho

Deeda-o-dil baham hain ek soojh mein aur boojh mein Aankhon ke saamne ayaan dil mein basa jo ho so ho

Why Screenshot When You Can Download? Get the App for Efficient Storage!

Hijr ki jo museebatein arz keen us ke saamne Naaz-o-ada se muskura kehne laga jo ho so ho

Hasti ki is saraaye mein raat ki raat jo bas liye Subh-e-adam hui na ho o paaon uthao jo ho so ho

Duniya ke nek-o-bad se kaam hum ko Niyaz kuch nahin Aap se guzar gaya phir use kya jo ho so ho