Kafir e Ishq Hun Mein Banda e Islam Nahi

Kafir-e-ishq hoon main banda-e-Islam nahin But-parasti ke siva aur mujhe kaam nahin

Ishq mein poojta hoon Qibla-o-Kaaba apna Ek pal dil ko mere us ke bin aaram nahin

Dhoondhta hai tu kidhar yaar ko mere ai maah Manzilash dar dil-e-ma hast lab-e-baam nahin

Bul-hawas ishq ko tu khana-e-khali mat boojh Is ka aaghaz to aasaan hai anjam nahin

Find Your Favorite Lyrics Anytime, Anywhere - Install the App Today!

Phaansne ko dil-e-ushaq ke ulfat bas hai Gher lene ko ye taskheer kam az daam nahin

Kaam ho jaye tamam us ka pade jis pe nigah Tishna-e-chashm ko phir haajat-e-samsam nahin

Abr hai jaam hai meena hai mai-e-gulgoon hai Hai sab asbaab-e-tarab Saqi-e-gulfam nahin

Haye re haye chali jaati hai ye fasl-e-bahaar Kya karoon bas nahin apna vo sanam raam nahin

Jaan jaati hai chali dekh ke ye mausam-e-gul Hijr-o-furqat ka meri jaan ye gulfam nahin

Dil ke lene hi talak Mehr ki thi hum pe nigah Phir jo dekha to ba-juz gussa-o-dushnaam nahin

Raat din gham se tere hijr ke ladta hai Niaz Ye dil-azari meri jaan bhala kaam nahin