Afsana Mere Dard Ka Is Yaar Se Keh Do

Afsana mere dard ka us yaar se keh do Furqat ki musibat ko dil-aazaar se keh do

Ek tu hi nahi main bhi hoon in aankhon ka maara Ae ahl-e-nazar nargis-e-bimaar se keh do

Main ishq ki millat mein hoon ae Sheikh-o-Brahman Jaa ishq mere subha-o-zunnaar se keh do

Kya josh mein hai ab may-e-wahdat khum-e-dil mein Ubali hai padi Rumi-o-Attaar se keh do

Instant Access to Thousands of Lyrics - Tap to Install!

Mushkil jo Niyaz aayi tumhein faqr mein darpesh Jaa Shah-e-Najaf Haider-e-Karrar se keh do