Hum Maikada Se Mar Ke Bhi Bahar Na Jayenge

Hum maikada se mar ke bhi bahar na jayenge Maikash hamari khaak ke saghar banayenge

Woh ik kahenge hum se toh hum sau sunayenge Munh aayenge hamare toh ab munh ki khayenge

Kuch chara saazi nalon ne ki hijr mein meri Kuch ashk mere dil ki lagi ko bujhayenge

Woh misl-e-ashk uth nahi sakta zameen se Jis ko Huzoor apni nazar se girayenge

Jhonke naseem-e-subah ke aa aa ke hijr mein Ik din chiragh-e-hasti-e-ashiq bujhayenge

Sehra ki gard hogi kafan mujh ghareeb ka Uth kar bagole mera janaza uthayenge

Ab thaan li hai dil mein ke sar jaye ya rahe Jaise uthega baar-e-mohabbat uthayenge

Gardish ne meri charkh ka chakra diya dimagh Nalon se ab zameen ke tabaq thartharayenge

No More Screenshots! Save Storage with Our Lyrics App!

Bedam woh khush nahi hain toh achha yun hi sahi Na khush hi ho ke ghair mera kya banayenge