Har Chehre Mein Ati Hai Nazar Yaar Ki Surat

Har chehre mein aati hai nazar yaar ki surat Ahbaab ki surat ho ke aghyaar ki surat

Seene mein agar soz-e-salamat ho to khud hi Ash'aar mein dhal jaati hai afkaar ki surat

Jis aankh ne dekha hai us aankh ko dekhun Hai us ke siwa kya tere deedar ki surat

Pehchaan liya tujh ko teri sheesha-gari se Aati hai nazar fan se hi fan-kaar ki surat

Ashkon ne bayaan kar hi diya raaz-e-tamanna Hum soch rahe the abhi izhaar ki surat

Is khaak mein posheeda hain har rang ke khaake Mitti se nikalte hain jo gulzaar ki surat

Find Your Favorite Lyrics Anytime, Anywhere - Install the App Today!

Dil haath par rakha hai koi hai jo khareede Dekhun to zara main bhi khareedaar ki surat

Surat meri aankhon mein samaye gi na koi Nazron mein basi rehti hai Sarkar ki surat

Wasif ko sardar pukara hai kisi ne Inkaar ki surat hai na iqraar ki surat