Har Chehre Mein Ati Hai Nazar Yaar Ki Surat

ہر چہرے میں آتی ہے نظر یار کی صورت احباب کی صورت ہو کہ اغیار کی صورت

سینے میں اگر سوز سلامت ہو تو خود ہی اشعار میں ڈھل جاتی ہے افکار کی صورت

جس آنکھ نے دیکھا ہے اس آنکھ کو دیکھوں ہے اس کے سوا کیا ترے دیدار کی صورت

پہچان لیا تجھ کو تری شیشہ گری سے آتی ہے نظر فن سے ہی فن کار کی صورت

اشکوں نے بیاں کر ہی دیا راز تمنا ہم سوچ رہے تھے ابھی اظہار کی صورت

اس خاک میں پوشیدہ ہیں ہر رنگ کے خاکے مٹی سے نکلتے ہیں جو گلزار کی صورت

دل ہاتھ پر رکھا ہے کوئی ہے جو خریدے دیکھوں تو ذرا میں بھی خریدار کی صورت

صورت میری آنکھوں میں سمائے گی نہ کوئی نظروں میں بسی رہتی ہے سرکار کی صورت

Your Lyrics, Even Offline - Install the App for Free!

واصفؔ کو سردار پکارا ہے کسی نے انکار کی صورت ہے نہ اقرار کی صورت