Zindagi Sang e Dar e Yaar Se Aage Na Barhi

زندگی سنگ در یار سے آگے نہ بڑھی عاشقی مطلع دیدار سے آگے نہ بڑھی

تیرگی گیسوئے خم دار سے آگے نہ بڑھی روشنی تابش‌ رخسار سے آگے نہ بڑھی

دلبری رونق بازار سے آگے نہ بڑھی سادگی حسرت اظہار سے آگے نہ بڑھی

خود فراموش ترے عرش کو چھو کر آئے خواجگی جبہ و دستار سے آگے نہ بڑھی

بس میں ہوتا تو تری بزم سجاتے ہم بھی بے بسی سایۂ دیوار سے آگے نہ بڑھی

Free Up Space - Get Lyrics Without Bulky Screenshots!

جلوۂ ذات سے آگے تھی فقط ذات ہی ذات بندگی رقص سر دار سے آگے نہ بڑھی

بے خودی دشت و بیاباں سے ورا ہے واصفؔ آگہی وادیٔ پر خار سے آگے نہ بڑھی