Yeh Woh Mehfil Hai

Yeh woh mehfil hai jis mein Ahmad-e-Mukhtar aate hain Malaik le ke rehmat ke yahan anwar aate hain

Ziyarat ke liye ban kar malak zawwar aate hain Nabi ko dekhne yaan talib-e-deedar aate hain

Ghulam-e-Shah-e-Deen bazm mein yun aate hain jaise Bhikari bheek lene bar sar-e-darbar aate hain

Woh le jaate hain bakhshish ki sanad Sarkar-e-Taiba se Ma'asi ke jo momin le ke yaan tumar aate hain

Chalo hai mezbani josh par Sarkar-e-Taiba ki Liye rehmat ke khwanon mein malak anwar aate hain

Nigah-e-kor batin qasir-o-majboor hai lekin Shah-e-koun-o-makan har dil mein sau sau baar aate hain

Munafiq jaante hain shirk gar is bazm-e-aqdas ko Toh khud kyun shirk karne ke liye makkar aate hain

Mukhalif be-adab is zikr ki rif'at ko kya samjhe Yahan par sar ke bal ahl-e-sunan deen-daar aate hain

Qayam-e-mehfil-e-maulad se jalte hain bohat munkar Magar momin pehan kar yaan adab ke haar aate hain

Yeh un ke sabz gumbad par ba-khat-e-noor likha hai Woh achhe ho ke jaate hain jo yaan bimar aate hain

No Internet? No Problem! Get the App for Offline Lyrics!

Uthe ga shor-e-mahshar mein gunahgaro na ghabrao Woh dekho Shah khole gesu-e-khamdar aate hain

Khareedein ge jo rehmat ke ewaz anbar-e-isyan ke Khareedar-e-gunah ab bar sar-e-bazaar aate hain

Jo kehte hain musibat mein aghisni Ya Rasool Allah Madad karne ko un ki Sayyad-e-Abrar aate hain

Shab-e-tareek marqad se na ghabraye dil-e-muztar Koi dam mein nazar woh chand se rukh-sar aate hain

Khudawanda dam-e-akhir yeh Izraeel farmayein Jameel-e-Qadri hoshiyar ho Sarkar aate hain