Haq Ke Mehboob Ki Hum

Haq ke mehboob ki hum madh-o-sana karte hain Apne is aaina-e-dil ki jila karte hain

Download Lyrics & Access Offline - Install Our App Now!

Raah mein un ki jo zar apna fida karte hain Goya firdaus-e-bareen mol liya karte hain

Jo shab-o-roz tera naam japa karte hain Teer kab un ki duaon ke khata karte hain

Hum woh bande hain ke din raat khata karte hain Yeh woh aaqa hain ke sab baksh diya karte hain

Wohi paate hain bohat jald maqasid dil ke Teri hi samt jo munh karke dua karte hain

Kardiya apne khazano ka Khuda ne maalik Be-talab jis ko jo chahein woh ata karte hain

Main teri dain ke qurban ke tere mangta Tujh se jo chahte hain maang liya karte hain

Marhamat ho na unhein kis liye umr-e-javeed Jo qazaon ko tere dar pe ada karte hain

Sunna faryaad ghareebon ki jalana murde Aap ke dar ke gadaon ke gada karte hain

Khuld de dena faqiron ko ghani kardena Aap ke dar ke gadaon ke gada karte hain

Un ki gardish pe mah-o-mehr fida hote hain Tere koocha mein jo din raat phira karte hain

Be-zabaan tair-e-wahshi bhi alam ki apne Tere darbar mein faryaad-o-buka karte hain

Ungliyon se woh baha dete hain aise chashme Saikron jis se ke sairaab hua karte hain

Ja ke dekhenge kisi roz bahaar-e-Tayyaba Isi umeed pe ush-shaq jiya karte hain

Saath le lo hamein ae qafle walo lillah Hind mein be-sar-o-samaan phira karte hain

Hum ghulamon ke pada karti hai dil mein thandak Aap ke zikr se mardood jala karte hain

Naaz qismat pe na kyun kar ho Jameel Qadri Log maddah-e-Nabi tujh ko kaha karte hain