Ankhon Ka Tara Naam e Muhammad

Aankhon ka tara naam-e-Muhammad ﷺ Dil ko ujala naam-e-Muhammad ﷺ

Daulat jo chaaho dono jahan ki Kar lo wazeefa naam-e-Muhammad ﷺ

Paayein muraadein dono jahan ki Jis ne pukaara naam-e-Muhammad ﷺ

Instant Access to Thousands of Lyrics - Tap to Install!

Rakho lahad mein jis dam azizo Mujh ko sunaana naam-e-Muhammad ﷺ

Roz-e-Qayamat mizan o pul par De ga sahara naam-e-Muhammad ﷺ

Gham ki ghataein chhaayi hain sar par Kar de ishaara naam-e-Muhammad ﷺ

Poochhay ga Maula laaya hai kya kya Main yeh kahoon ga naam-e-Muhammad ﷺ

Apne Jameel-e-Qadri ke dil mein Aa ja sama ja naam-e-Muhammad ﷺ