Hain Mazhar Zaat e Haq

Hain mazhar-e-zaat-e-Haq Rasool-e-Akram Mukhtar-o-khalifa-e-Khuda-e-aalam

Sirf unke sabab se sab ulul-azm huye Isa, Musa, Khalil-o-Nooh-o-Adam

Aalam ka unhein Khuda ne sultan kiya Jibreel-e-Ameen ko un ka darban kiya

Har cheez ka ikhtiyar un ko de kar Konain ko Haq ne un ka mehman kiya

Ya Rabb mere dil mein ishq apna de de Hubb-e-Nabi ka sar mein sauda de de

Hai be-sar-o-saman Jameel-e-Razvi Rehne ka Madine mein thikana de de

Sarkar ka faiz zer-o-bala dekha Har cheez mein noor-e-Shah-e-wala dekha

Hai arsh se farsh tak usi ka jalwa Jab gaur kiya Madine wala dekha

Shaha teri rehmat ka ishara ho jaye Roshan mere bakht ka sitara ho jaye

Is Sani-e-mutlaq ko jo aayi hai pasand Woh shakl meri aankh ka tara ho jaye

Batlaye koi Nabi ka dekha saya Saye ka bhi hota hai kisi ja saya

Jab saya-e-noor-e-azali woh thehra Parta kyon kar zameen par us ka saya

Kyon hashr se dar jayen gadayan-e-Nabi Kyon qabr mein ghabrayen gadayan-e-Nabi

Dunya mein jo hain Habib-e-Haq ke banday Ta-hashr hai un ke sar pe daman-e-Nabi

Hain Kaaba-e-konain Rasool-us-Saqalain Hain Qibla-e-darain Nabi-ul-Haramain

Why Screenshot When You Can Download? Get the App for Efficient Storage!

Kyon dono jahan na un ke dar par mangen Hain qasim-e-kul-e-shai Jadd-ul-Husnain

Kyon hashr mein bigri hui halat hogi Kab un ke ghulamon pe qayamat hogi

Kya khauf karen naar-e-jahannam se Jameel Hum par to wahan Nabi ki rehmat hogi