Karlo Maqbool Ya Rasool Allah

Kar lo maqbool Ya Rasool Allah Yeh meri iltija Rasool Allah

Baani-e-majlis-e-mubarak ko Deeje behtar sila Rasool Allah

Jitne Sunni shareek-e-majlis hain Sab pe kar do ata Rasool Allah

Aap ke aastaan ke bande hain Bakhsh do har khata Rasool Allah

Har museebat mein keejiye imdaad Jab pukaarein ke Ya Rasool Allah

Us ki foran muraad bar aayi Jis ne dil se kaha Rasool Allah

Qabr mein hashr-o-nashr-o-meezan par Har alam se bacha Rasool Allah

Khuld mein apne saath le lena Apne bandon ko Ya Rasool Allah

Tere bande lagaye baithe hain Tera hi aasra Rasool Allah

Peer-o-murshid mere Janaab-e-Raza Un pe saaya tera Rasool Allah

Un ki aulad sab phale phoole Hashr tak da'iman Rasool Allah

Hamid-o-Mustafa Raza ke phool Mehkein ta-hashr Ya Rasool Allah

Un ki aulad ka qayamat tak Rahe gulshan hara Rasool Allah

Un ke a'ada pe rakh unhein ghalib Aur izzat barha Rasool Allah

Un ke a'ada pe qahr ki baarish Ta-abad da'iman Rasool Allah

Shaad-o-aabad un ke dost rahein Phalein phoolein sada Rasool Allah

Nechari, Gandhwi, Wahabi se Sunniyon ko bacha Rasool Allah

Sab mareezan-e-Ahle-Sunnat ko De do kaamil shifa Rasool Allah

Ahle-Sunnat ke naatwanon ko Kar do taqat ata Rasool Allah

No More Screenshots! Save Storage with Our Lyrics App!

Har jagah mere walidain pe ho Rahm-o-fazl aap ka Rasool Allah

Mere ahl-o-iyaal par rehmat Aap ki da'iman Rasool Allah

Karein Ahmad, Hameed aur Hamaad Hamd teri sada Rasool Allah

Umr-o-ilm-o-amal, dawami aish Un ko keeje ata Rasool Allah

Ranj-o-gham ki na dekhein shakal kabhi Teri rehmat se Ya Rasool Allah

Mere ahbaab par bhi fazl rahe Har ghari aap ka Rasool Allah

Ghaus-e-Azam ka wasta ho qabool Meri har iltija Rasool Allah

Apne bande Jameel Qadri ko Khaas banda bana Rasool Allah