Yeh Dil Arsh e Azam Bana

Yeh dil Arsh-e-A'zam bana chahta hai Ghar is mein Nabi ka hua chahta hai

Na poocho ke bande to kya chahta hai Faqat ek teri raza chahta hai

Ajab kya jo ins-o-malaik hain shaida Tumhein to tumhara Khuda chahta hai

Ghulamon pe kyonkar na tera karam ho Tu dushman ka bhi kab bura chahta hai

Free Up Space - Get Lyrics Without Bulky Screenshots!

Sabhi ki nazar hai tere damanon par Har ek un ki thandi hawa chahta hai

Khuda ki raza ka hai har ek talib Khuda tera teri raza chahta hai

Na kyon donon aalam banain us ke mangta Arab wala sab ka bhala chahta hai

Har ek pesh-e-Khaliq azal se abad tak Waseela usi zaat ka chahta hai

Ajab pyara muzda hai Yuhbibkumullah Ke bando ko un ke Khuda chahta hai

Kinara bohat door kashti shikasta Ma'asi ka darya charha chahta hai

Khudara khabar lo ke koh-e-gunahan Sar-e-natawan par gira chahta hai

Ata us ko hoti hai fil-faur sehat Jo us dar se aakar dawa chahta hai

Na dunya ki khwahish na jannat ka talib Faqat ek tumhari raza chahta hai

Rahe wird dunya mein naam-e-mubarak Qayamat mein zill-e-liwa chahta hai

Sahara laga nakhuda-e-ghareeban Ke ab gharq beera hua chahta hai

Khudara bula lo ke banda tumhara Madine ki aab-o-hawa chahta hai

Madine pahunch kar dua yeh karoon ga Ke banda yahin par mara chahta hai

Dam-e-naz'a lillah surat dikha do Ke dunya se banda utha chahta hai

Ghulamon ki qabron ko pur-noor kar do Ke bando ka ab dam ghuta chahta hai

Nakeerain parda utha kar yeh keh do Ke banda tumhein dekhna chahta hai

Farishto mera haal dekhe to jao Madina se parda utha chahta hai

Munadi pukaray ga roz-e-qayamat Ke darbar-e-rehmat khula chahta hai

Fatarza hai shahid ke roz-e-qayamat Wahi hoga jo Mustafa chahta hai

Tu ho pehle banda Habeeb-e-Khuda ka Agar banday-e-haq bana chahta hai

Jameel apni jholi bohat jald phaila Ke Taiba se sadqa mila chahta hai