Yaad Mein Jis Ki Nahi Hosh

Yaad mein jis ki nahin hosh-e-tan-o-jaan hum ko Phir dikha de woh rukh ai mehar-e-furozaan! hum ko

Dair se aap mein aana nahin milta hai hamain Kya hi khud rafta kya jalwa-e-jaanaan! hum ko

Jis tabassum ne gulistaan pe girayi bijli Phir dikha de woh ada-e-gul-e-khandaan hum ko

Kaash aawiza-e-qandeel-e-Madinah ho woh dil Jis ki sozish ne kiya rashk-e-charaghaan hum ko

Arsh jis khoobi-e-raftaar ka paamaal hua Do qadam chal ke dikha sarv-e-khuraamaan! hum ko

Sham-e-Taybah se main parwana rahoon kab tak door Haan jala de sharar-e-aatish-e-panhaan! hum ko

Khauf hai sam-e-kharashi-e-sag-e-Taybah ka Warna kya yaad nahin naala-o-afghaan hum ko

Khaak ho jaayain dar-e-paak pe hasrat mit jaaye Ya Ilahi na phira be-sar-o-saamaan hum ko

Khaar-e-sahra-e-Madinah na nikal jaaye kahin Wehshat-e-dil na phira koh-o-bayaabaan hum ko

Tang aaye hain do aalam teri betabi se Chain lene de tap-e-seena-e-sozaan hum ko

Paaon ghirbaal huay raah-e-Madinah na mili Ai junoon! ab to milay rukhsat-e-zindaan hum ko

Mere har zakhm-e-jigar se yeh nikalti hai sada Ai Maleeh-e-Arabi! kar de namakdaan hum ko

Sair-e-gulshan se aseeraan-e-qafas ko kya kaam Na de takleef-e-chaman bulbul-e-bustaam hum ko

Jab se aankhon mein samayi hai Madinah ki bahaar Nazar aatay hain khizaan deeda gulistaan hum ko

Your Lyrics, Even Offline - Install the App for Free!

Gar lab-e-paak se iqraar-e-shafa'at ho jaaye Yun na be-chain rakhay joshish-e-isyaan hum ko

Nayyir-e-hashr ne ik aag laga rakhi hai! Tez hai dhoop milay saya-e-daamaan hum ko

Reham farmaiye Ya Shah ke ab taab nahin Taab ke khoon rulaye gham-e-hijraan hum ko

Chaak-e-daamaan mein na thak jaayio ai dast-e-junoon Purzay karna hai abhi jaib-o-garebaan hum ko

Parda us chehra-e-anwar se utha kar ik baar Apna aaina bana ai mehar-e-taabaan hum ko

Ai Raza! wasf-e-rukh-e-paak sunaanay ke liye Nazr detay hain chaman, murgh-e-ghazal khwaan hum ko