Ya Rasool Allah Aa Kar Dekh Lo

Ya RasoolAllah aakar dekh lo Ya Madine mein bula kar dekh lo

Saikron ke dil munawwar kar diye Is taraf bhi aankh utha kar dekh lo

Kashta-e-deedar zinda ho abhi Jaan-e-Isa lab hila kar dekh lo

Kalma parhte jee uthein murde abhi Jaan-e-Isa lab hila kar dekh lo

Ranj-o-gham dard-o-alam ki mere gird Bheer hai Sarkar aakar dekh lo

Chhere jaate hain mujhe Munkar Nakeer Gor mein tashreef la kar dekh lo

Meri aankhon mein tumhi ho jalwa gar Chilman-e-muzhgan utha kar dekh lo

Offline Lyrics Anytime, Anywhere - Download the App Today!

Yeh kabhi inkar karte hi nahi Benuwao aazma kar dekh lo

Chahe jo maango ata farmayenge Namurado haath utha kar dekh lo

Sair-e-jannat dekhna chaho agar Rauza-e-Anwar pe aakar dekh lo

Do-jahan ki sarfarazi ho naseeb Un ke aage sar jhuka kar dekh lo

Toor par jalwa jo dekha tha Kaleem Aaj yaan parda utha kar dekh lo

Un ki rif'at ka pata milta nahi Mehr-o-mah chakkar laga kar dekh lo

Is Jameel-e-Qadri ko bhi Huzoor Apne dar ka sag bana kar dekh lo