Ya Rasool Allah Aa Kar Dekh Lo

یَارَسُوْلَ اللہ آکر دیکھ لو یا مَدینے میں بلا کر دیکھ لو

More Lyrics, Less Storage - Install the App and Ditch the Screenshots!

سیکڑوں کے دِل منوّر کردیئے اِس طرف بھی آنکھ اُٹھا کر دیکھ لو

کشتۂ دِیدار زندہ ہو اَبھی جانِ عیسیٰ لب ہلا کر دیکھ لو

کلمہ پڑھتے جی اُٹھیں مردے اَبھی جانِ عیسیٰ لب ہلا کر دیکھ لو

رَنج و غم دَرد و اَلم کی میرے گرد بھیڑ ہے سرکار آکر دیکھ لو

چھیڑے جاتے ہیں مجھے منکر نکیر گور میں تشریف لا کر دیکھ لو

میری آنکھوں میں تمہیں ہو جلوہ گر چلمن مژگاں اُٹھا کر دیکھ لو

یہ کبھی اِنکار کرتے ہی نہیں بے نواؤ آزما کر دیکھ لو

چاہے جو مانگو عطا فرمائیں گے نامرادو ہاتھ اُٹھا کر دیکھ لو

سیر جنت دیکھنا چاہو اگر روضۂ اَنور پہ آکر دیکھ لو

دوجہاں کی سرفرازی ہو نصیب اُن کے آگے سر جھکا کر دیکھ لو

طور پر جلوہ جو دیکھا تھا کلیم آج یاں پردہ اُٹھا کر دیکھ لو

اُن کی رِفعت کا پتا ملتا نہیں مہر و مہ چکر لگا کر دیکھ لو

اس جمیلؔ قادری کو بھی حضور اپنے دَر کا سگ بنا کر دیکھ لو