Ya Muhammad Muhammad Main Kehta Raha

Ya Muhammad, Muhammad main kehta raha Noor ke motiyon ki lari ban gayi Aayaton se milata raha aayatein Phir jo dekha to naat-e-Nabi ban gayi

Jo bhi aansoo bahe mere mehboob ke Sab ke sab abr-e-rehmat ke cheentay banay Ho gayi raat jab, zulf lehra gayi Jab tabassum kiya chandni ban gayi

Yeh to maana ke jannat hai baagh-e-haseen Khoobsurat hai sab khuld ki sarzameen Husn-e-jannat ko par, jab sameeta gaya Sarwar-e-Ambiya ki gali ban gayi

Jab chura tazkira un ke rukhsaar ka Wad-duha parh liya wal qamar keh diya Suraton ki tilaawat bhi hoti rahi Naat bhi ho gayi baat bhi ban gayi

Download Lyrics & Access Offline - Install Our App Now!

Sab se Saim zamane mein mazoor tha Sab se bekas tha, be-bas tha, majboor tha Un ko reham aa gaya mere haalaat par Meri azmat meri be-basi ban gayi