Noori Mehfil Pe Chadar Tani Noor Ki

Noori mehfil pe chadar tani noor ki Noor phaila hua aaj ki raat hai

Chandni mein hain doobay huay do jahan Kaun jalwa numa aaj ki raat hai

Farsh par dhoom hai arsh par dhoom hai Hai woh badbakht jo aaj mehroom hai

Phir yeh aayegi shab kis ko maloom hai Aam lutf-e-Khuda aaj ki raat hai

Instant Access to Thousands of Lyrics - Tap to Install!

Moomino aaj ganj-e-sakha loot lo Loot lo ae mareezo! shifa loot lo

Aasiyo rehmat-e-Mustafa ﷺ loot lo Baab-e-rehmat khula aaj ki raat hai

Abr-e-rehmat hain mehfil pe chaaye huay Aasman se malaaik hain aaye huay

Khud Muhammad ﷺ hain tashreef laaye huay Kaisi ronaq faza aaj ki raat hai

Maang lo maang lo chashm-e-tar maang lo Dard-e-dil aur husn-e-nazar maang lo

Sabz gumbad ke saaye mein ghar maang lo Maangne ka maza aaj ki raat hai

Us taraf noor hai us taraf noor hai Saara aalam musarrat se maamoor hai

Jis ko dekho wohi aaj masroor hai Mehak uthi fiza aaj ki raat hai

Waqt laaye Khuda sab Madine chalein Lootne rehmaton ke khazeene chalein

Sab ke manzil ki janib safeene chalein Meri Saimؔ dua aaj ki raat hai