Tu Shah e Khooban

Tu Shah-e-Khooban, tu jaan-e-jaanan, hai chehra Umm-ul-Kitab tera Na ban saki hai, na ban sake ga, misaal teri jawab tera

Tu sab se awwal, tu sab se aakhir, mila hai husn-e-dawam tujh ko Hai umr laakhon baras ki teri, magar hai taaza shabab tera

Khuda ki ghairat ne daal rakhe hain tujh pe sattar hazaar parde Jahan mein ban jaate Toor laakhon jo ek bhi uthta hijaab tera

Ho mushk-o-ambar, ya boo-e-jannat, nazar mein us ki hai be-haqeeqat Mila hai jis ko, mila hai jis ne paseena rashk-e-gulaab tera

Why Screenshot When You Can Download? Get the App for Efficient Storage!

Main tere husn-o-bayaan ke sadqe, main teri meethi zabaan ke sadqe Ba-rang-e-khushboo dilon pe utra hai kitna dilkash khitaab tera

Hai tu bhi Saim ajeeb insaan ke khauf-e-mahshar se hai harasaan Are tu jin ki hai naat parhta wohi to lenge hisaab tera