Thandi Thandi Hawa Rehmaton Ki Chali

Thandi thandi hawa rehmaton ki chali Ban ke mauj-e-karam Mustafa ﷺ aa gaye Hal meri ho gayin khud-ba-khud mushkilain Saare aalam ke mushkil kusha aa gaye

Aa gaye aa gaye Mustafa ﷺ aa gaye Aa gaye aa gaye Mustafa ﷺ aa gaye

Aaminah ka muqaddar sanwara gaya God mein chaand jis ki utara gaya Hoor-o-ghilman salami ko jhukne lage Parhte Rizwan salle-ala aa gaye

Aa gaye aa gaye Mustafa ﷺ aa gaye Aa gaye aa gaye Mustafa ﷺ aa gaye

Donon aalam ki qismat badalne lagi Noor mein saari kaunain dhalne lagi Khush-muqaddar Haleema mubarak tujhe God mein teri Khair-ul-Wara aa gaye

No Internet? No Problem! Get the App for Offline Lyrics!

Aa gaye aa gaye Mustafa ﷺ aa gaye Aa gaye aa gaye Mustafa ﷺ aa gaye

Ban gayi hai zameen rashk-e-baagh-e-jinaan Saj gaye aasman khil utha gulistan Maang lo rehmatain khol lo jholiyan Dene khairaat haajat rawa aa gaye

Aa gaye aa gaye Mustafa ﷺ aa gaye Aa gaye aa gaye Mustafa ﷺ aa gaye Aaj koi bhi Saim na khaali rahe Sab muradain milain har museebat tale Madani Aaqa ki aamad ka sadqa mile Bheek lene ko hum Ya Khuda aa gaye

Aa gaye aa gaye Mustafa ﷺ aa gaye Aa gaye aa gaye Mustafa ﷺ aa gaye