Woh Mah e Arab Aaj Kaaba

Woh mah-e-Arab aaj Kaaba mein chamka Jo maalik hai saare Arab-o-Ajam ka

Na hota agar woh to kuch bhi na hota Yeh jalwa hai aalam mein sab us ke dam ka

Hua us taraf rehmat-e-Haq ka daura Jidhar ho gaya ek phera karam ka

Main us adl-o-insaaf-o-rehmat ke qurbaan Mita naam aalam se zulm-o-sitam ka

Kiya saare aalam ko sarshaar-e-wahdat Utha daur duniya se kufr-o-sanam ka

Mili hum ko Islam-o-Eemaan ki daulat Yeh hai faiz sab tere jood-e-atam ka

Hai kaafi hamare liye do jahaan mein Ishaara faqat teri chashm-e-karam ka

Arab waale Aaqa ki di jab duhaai Usi dam hua rang faq har alam ka

Download Lyrics & Access Offline - Install Our App Now!

Yahaan par lahad mein qayamat mein pul par Sahaara hai bas ik Shafee-ul-Umam ka

Arab ke qamar mujh ko soorat dikha do Main duniya mein mehman hoon koi dam ka

Khuda ne unhein laamakaan mein bulaya Bayaan kis se ho un ke jaah-o-hasham ka

Jo Rizwan Madine ko dekhein to keh dein Ke naqsha hai bilkul yeh baagh-e-Iram ka

Tere ilm-o-sam-o-baseerat ka munkir Wahabi hai kambakht andha janam ka

Kahe shirk jis ko usi mein ho shaamil Adharmi hai kya theek tere dharm ka

Jameel apne Aaqa ka midhat-sara hai Karam hai Raza ki nigaah-e-karam ka