Woh Chhayi Ghata

Woh chhayi ghata badah-bar-e-Madinah Piye jhoom kar jaan-nisar-e-Madinah

Woh chamka woh chamka manar-e-Madinah Qareeb aa raha hai dayar-e-Madinah

Naha lein gunah-gar abr-e-karam mein Utha dekhiye woh ghubar-e-Madinah

Khuda yaad farmaye saugand-e-Taibah Zahe azmat-o-iftikhar-e-Madinah

Agar dekhe Rizwan chaman-zar-e-Taibah Kahe dekh kar yun woh khar-e-Madinah

No Internet? No Problem! Get the App for Offline Lyrics!

Madine ke kaante bhi sad rashk-e-gul hain Ajab rang par hai bahar-e-Madinah

Nahin jachti jannat bhi nazron mein un ki Jinhein bha gaya khar-zar-e-Madinah

Meri jaan se bhi woh nazdeek-tar hain Woh Maula-e-har be-qarar-e-Madinah

Karun fikr kya main gham-e-zindagi ki Main hun banda-e-gham-gusar-e-Madinah

Chala daur-e-saghar may-e-naab chhalki Rahe tishna kyun badah-kwar-e-Madinah

Chala kaun khushbu lutata ki ab tak Hai mehki hui rah-guzar-e-Madinah

Sahar din hai aur shaam-e-Taibah sahar hai Anokhe hain lail-o-nahar-e-Madinah

Bula Akhtar khasta-jaan ko bhi dar par Main sadqe tere shah-yar-e-Madinah