Woh Apne Kirdar Ki Zubaani

Woh apne kirdar ki zubani Bataye Quran ke ma'ani Is aaine mein Khuda ko dekho Muhammad Mustafa ﷺ ko dekho

Sama'aton par yaqeen karna Dhuen ke andar hai rang bharna Abad ki aankhein bhi jis ko dekhein Woh kohsar-e-azal ka jharna Jabeen-e-Khair-ul-Bashar se phoote Yaqeen ahl-e-nazar se phoote Fana ke putlo baqa ko dekho Muhammad Mustafa ﷺ ko dekho

Hazaron asma-e-muhtaram hain Jo loh-e-tareekh par raqam hain Woh khaak-e-pa bhi nahin Nabi ki Woh sab ikatthe bhi us se kam hain Bade baron se bhi woh bada hai Ufaq ke minbar pe woh khada hai Khateeb-e-arz-o-sama ko dekho Muhammad Mustafa ﷺ ko dekho

Woh dast-e-rahmat daraz rakhe Nigah-e-alam-nawaz rakhe Gunah se apne ummati ko Woh khalwaton mein bhi baaz rakhe Daricha-e-rooh se woh jhaanke Khule hain dar us pe har makan ke Makeen-e-dar-ul-Huda ko dekho Muhammad Mustafa ﷺ ko dekho

Har ek saans us ki zindagi ka Hai ek minar roshni ka Jareeda-e-waqt par hai kunda Har ek lamha mere Nabi ka Agar koi zaat-e-daima hai Toh sirf mere Huzoor ki hai Har ik sadi ki sada ko dekho Muhammad Mustafa ﷺ ko dekho

Free Up Space - Get Lyrics Without Bulky Screenshots!

Har ek farzand-e-arz-e-khaki Raha panahon mein Mustafa ki Koi Arab ka koi Ajam ka Na koi bad-dil na koi shaki Jo dars-gah-e-Nabi se nikle Ghulām bhi shah ban ke nikle Muallim-e-irtiqa ko dekho Muhammad Mustafa ﷺ ko dekho

Qadam uthaye jahan pe rakh kar Charagh se har nishan pe rakh kar Khilaye korhi ko bhi jo halwa Khud apni nok-e-zaban pe rakh kar Zamana laye nazar us ki Falah-e-insan faqeer us ki Kamaal hai jis ada ko dekho Muhammad Mustafa ko dekho