Tumhare Zare Ke Parto Sitar Haaye Falak

Tumhare zarre ke partau sitarah-e-falak Tumhare na’l ki naqis misl ziya-e-falak

Never Be Without Your Favorite Lyrics - Get the App for Offline Access!

Agarche chhale sitaron se par gaye lakhon Magar tumhari talab mein thake na paye falak

Sar-e-falak na kabhi taba-e-aastan pohancha Ke ibtida-e-bulandi thi intiha-e-falak

Yeh mit ke un ki ravish par hua khud un ki ravish Ke naqsh-e-pa hai zameen par na saut-e-paye falak

Tumhari yaad mein guzri thi jaagte shab bhar Chali naseem, hue band deedah-e-falak

Na jaag uthein kahin ahl-e-baqi kachi neend Chala yeh narm na nikli sada-e-paye falak

Yeh un ke jalwa ne keen garmiyan shab-e-asra Ke jab se charkh mein hain nuqra-o-tala-e-falak

Mere Ghani ne jawahir se bhar diya daman Gaya jo kasa-e-mah le ke shab gada-e-falak

Raha jo qani-e-yak naan-e-sookhta din bhar Mili huzoor se kaan-e-gauhar jaza-e-falak

Tajammul shab-e-asra abhi simat na chuka Ke jab se waisi hi kotal hain sabz-ha-e-falak

Khitab-e-Haq bhi hai darbab-e-khalq min ajalik Agar idhar se dam-e-hamd hai sada-e-falak

Yeh ahl-e-bait ki chakki se chaal seekhi hai Rawaan hai be-madad-e-dast aasiya-e-falak

Raza yeh naat-e-Nabi ne bulandiyan bakhshin Laqab "Zameen-e-falak" ka hua sama-e-falak