Tumhara Naam Museebat Mein Jab

Tumhara naam musibat mein jab liya hoga Hamara bigra hua kaam ban gaya hoga

Gunhegar pe jab lutf o karam aap ka hoga Kya baghair kya be kiya kiya hoga

Khuda ka lutf huwa hoga dastgeer zaroor Jo girte girte tera naam le liya hoga

Dikhai jayegi mehshar mein shaan-e-mehboobi Ke aap hi ki khushi aap hi ka kaha hoga

Khuda-e-paak ki chahengi agle pichle khushi Khuda-e-paak khushi unki chahta hoga

Kisi taraf se sadaa ayegi huzoor aao Nahi to dam mein gareebon ka faisla hoga

Kisi ke pallay yeh honge waqt-e-wazan-e-amal Koi ummeed se munh unka tak raha hoga

Koi kahega dahai hai Ya Rasool Allah To koi thaam ke daaman machal gaya hoga

Kisi ko leke chalenge farishtey soey hajeem Woh unka rasta phir phir ke dekhta hoga

Shikasta paa hoon mere haal ki khabar kar do Koi kisi se yeh ro ro ke keh raha hoga

Why Screenshot When You Can Download? Get the App for Efficient Storage!

Pakad ke haath koi haal-e-dil sunayega To ro ke qadmon se koi lipat gaya hoga

Zabaan sokhi dikha kar koi lab-e-Kausar Janab-e-paak ke qadmon pe gir gaya hoga

Aziz bachcha ko maa jis tarah talash kare Khuda gawah yahi haal aap ka hoga

Main unke dar ka bhikhari hoon fazl-e-Mawla se Hasan faqeer ka jannat mein bistara hoga