Tumhara Naam Museebat Mein Jab

تمہارا نام مصیبت میں جب لیا ہو گا ہمارا بگڑا ہوا کام بن گیا ہو گا

گنہگار پہ جب لطف و کرم آپ کا ہوگا کیا بغیر کیا بے کیا کیا ہوگا

خدا کا لطف ہوا ہوگا دستگیر ضرور جو گرتے گرتے ترا نام لے لیا ہوگا

Free Up Space - Get Lyrics Without Bulky Screenshots!

دکھائی جاۓ گی محشرمیں شانِ محبوبی کہ آپ ہی کی خوشی آپ ہی کا کہا ہو گا

خداۓ پاک کی چاہیں گی اگلے پچھلے خوشی خداۓ پاک خوشی اُن کی چاہتا ہوگا

کسی طرف سے صداآۓگی حضورآؤ نہیں تو دم میں غریبوں کا فیصلہ ہوگا

کسی کے پلہ یہ ہوں گے وقتِ وزنِ عمل کوئی امید سے مونہہ ان کا تک رہا ہوگا

کوئی کہے گا دہائی ہے یا رسول اللہ تو کوئی تھام کے دامن مچل گیا ہو گا

کسی کو لےکے چلیں گے فرشتےسوۓحجیم وہ ان کا راستہ پھر پھر کے دیکھتا ہوگا

شکستہ پا ہوں مرے حال کی خبر کر دو کوئی کسی سے یہ رو رو کہ کہہ رہاہوگا

پکڑکے ہاتھ کوئی حالِ دل سناۓ گا تو رو کے قدموں سےکوئی لپٹ گیا ہوگا

زبان سوکھی دکھا کر کوئی لبِ کوثر جنابِ پاک کے قدموں پہ گر گیا ہوگا

عزیز بچہ کو ماں جس طرح تلاش کرے خدا گواہ یہی حال آپ کا ہوگا

میں اُن کے درکا بھکاری ہوں فضلِ مولیٰ سے حسنؔ فقیر کا جنت میں بسترا ہوگا