Jin o Insan o Malk Ko

Jinn-o-insaan-o-malak ko hai bharosa tera Sarwara marja-e-kul hai dar-e-wala tera

Wah ae itr-e-Khuda saaz mehakna tera Khubru milte hain kapron mein paseena tera

Dehr mein aath pehar bat-ta hai baara tera Waqf hai maangne walon pe khazana tera

La-makan mein nazar aata hai ujala tera Door pohanchaya tere husn ne shehra tera

Jalwa-e-yaar idhar bhi koi phera tera Hasratein aath pehar takti hain rasta tera

Yeh nahi hai ke faqat hai yeh Madinah tera Tu hai mukhtar-e-do aalam pe hai qabza tera

Kya kahe wasf koi dasht-e-Madinah tera Phool ki jaan nazakat mein hai kanta tera

Kis ke daaman mein chhupe kis ke qadam par lute Tera sag jaye kahan chhor ke tukda tera

Khusraw-e-kon-o-makan aur tawaz-o aisi Haath takiya hai tera khaak bichhona tera

Khubruyan-e-jahan tujh pe fida hote hain Woh hai ae mah-e-Arab husn-e-dil-aara tera

Dasht-e-pur-haul mein ghera hai darindon ne mujhe Ae mere Khizr idhar bhi koi phera tera

Badshahan-e-jahan behr-e-gadai aayen Dene par aaye agar maangne wala tera

Dushman-o-dost ke munh par hai kushada yaksan Ro-e-aaina hai Maula dar-e-wala tera

Paon majrooh hain manzil hai kari bojh bohat Aah gar aise mein paya na sahara tera

Nek achhe hain ke a'maal hain un ke achhe Hum badoon ke liye kaafi hai bharosa tera

Aafton mein hai giraftar Ghulam-e-Ajami Ae Arab wale idhar bhi koi phera tera

Oonche oonchon ko tere saamne sajid paya Kis tarah samjhe koi rutba-e-a'la tera

Khaar-e-sahra-e-Nabi paon se kya kaam tujhe Aa meri jaan mere dil mein hai rasta tera

Find Your Favorite Lyrics Anytime, Anywhere - Install the App Today!

Kyun na ho naaz mujhe apne muqaddar pe ke hoon Sag tera banda tera maangne wala tera

Achhe achhe hain tere dar ki gadai karte Oonche oonchon mein bata karta hai sadqa tera

Bheek be-maange faqiron ko jahan milti hai Donon aalam mein woh darwaza hai kiska tera

Kyun tamanna meri mayoos ho ae abr-e-karam Sookhe dhanon ka madadgar hai chheenta tera

Haye phir khanda-e-be-ja mere lab par aaya Haye phir bhool gaya raton ka rona tera

Hashr ki pyaas se kya khauf gunahgaron ko Tishna kamon ka kharidar hai dariya tera

Sozan-e-gumshuda milti hai tabassum se tere Shaam ko subah banata hai ujala tera

Sidq ne tujh mein yahan tak to jagah payi hai Keh nahi sakte ulash ko bhi to jhoota tera

Khaas bandon ke tasadda-q mein rihayi paye Aakhir is kaam ka to hai yeh nikamma tera

Band-e-gham kaat diya karte hain tere abroo Pher deta hai balaon ko ishara tera

Hashr ke roz hansaye ga khatakaron ko Mere ghamkhar-e-dil shab mein yeh rona tera

Amal-e-nek kahan nama-e-badkaran mein Hai ghulamon ko bharosa mere Aaqa tera

Behr-e-deedar jhuk aaye hain zameen par tare Wah ae jalwa-e-dildar chamakna tera

Oonchi ho kar nazar aati hai har ik sheh chhoti Ja ke khursheed bana charkh pe zarra tera

Ae Madine ki hawa dil mera afsurda hai Sookhi kaliyon ko khila jata hai jhonka tera

Mere Aaqa hain woh abr-e-karam ae soz-e-alam Ek chheente ka bhi hoga na yeh dehra tera

Ab Hassan manqabat Khwaja-e-Ajmer suna Tab-e-pur-josh hai rukta nahi khama tera