Tum Ho Hasrat Nikalne Wale

Tum ho hasrat nikalne wale Namuradon ke paalne wale

Why Screenshot When You Can Download? Get the App for Efficient Storage!

Mere dushman ko gham ho bigri ka Aap hain jab sambhalne wale

Tum se munh mangi aas milti hai Aur hote hain taal ne wale

Lab-e-jaan-bakhsh se jila dil ko Jaan murde mein daalne wale

Dast-e-aqdas bujha de pyaas meri Mere chashme ubaalne wale

Hain tere aastaan ke khaak-nasheen Takht par khaak daalne wale

Roz-e-mahshar bana de baat meri Dhali bigri sambhalne wale

Bheek de bheek apne mangta ko Ae gareebon ke paalne wale

Khatm kar di hai un pe mauzooni Wah saanche mein dhaalne wale

Un ka bachpan bhi hai jahan-parwar Ke woh jab bhi the paalne wale

Paar kar naao hum gareebon ki Doobton ko nikalne wale

Khaak-e-Taibah mein be-nishan ho ja Are au naam uchhaalne wale

Kaam ke hon ke hum nikamme hon Woh sabhi ke hain paalne wale

Zang se paak saaf kar dil ko Andhe sheeshe ujaalne wale

Khaar-e-gham ka Hasan ko khatka hai Dil se kaanta nikalne wale