Talatum Hai Yeh Kesa Aansuon Ka

Talatum hai yeh kaisa aansuon ka deedah-e-tar mein Yeh kaisi maujen aayi hain tamanna ke samundar mein

Hujoom-e-shauq kaisa intezar-e-koo-e-dilbar mein Dil-e-shaida samata kyun nahin ab pehloo-o-bar mein

Tajassus karwatein kyun le raha hai qalb-e-muztar mein Madinah samne hai bas abhi pahuncha main dam bhar mein

Yeh behsein ho rahi hain mere dil mein pehloo-o-bar mein Ke dekhein kaun pahunche aage aage shehar-e-dilbar mein

Madine tak pahunch jata kahan taqat thi yeh par mein Yeh Sarwar ka karam hai, hai jo bulbul-e-baagh-e-Sarwar mein

Madine ki woh marg-e-jaanfiza gar hai muqaddar mein Amar ho jayenge marke dayar-e-rooh-parwar mein

Jo tu aye tair-e-jaan kaam leta kuch bhi himmat se Nazar ban kar pahunch jaate tajalli-gaah-e-Sarwar mein

Ujale mein gume hote tajalli-gaah-e-Sarwar ke Nazar se chupke hum rehte tajalli-gaah-e-Sarwar mein

Na rakha mujh ko Taibah ki qafas mein us sitam-gar ne Sitam kaisa hua bulbul pe yeh qaid-e-sitam-gar mein

Sitam se apne mit jao ge tum khud aye sitamgaro! Suno! hum keh rahe hain be-khatar daur-e-sitam-gar mein

Guzar-gaahon mein un ki main bichhata deedah-o-dil ko Qadam se naqsh bante mere dil mein deedah-e-tar mein

No Internet? No Problem! Get the App for Offline Lyrics!

Banate jalwa-gaah-e-naaz mere deedah-o-dil ko Kabhi rehte woh is ghar mein kabhi rehte woh us ghar mein

Madine se rahein khud door us ko rokne wale Madine mein khud Akhtarؔ hai, Madinah chashm-e-Akhtarؔ mein