Tabiyat Aaj Kyun Aesi

Tabiyat aaj kyun aisi rasa hai Ke khud apni zabaan par marhaba hai

Saba kyun is qadar itra rahi hai Chaman mein kaun sa ghuncha khula hai

Ana dil gaa rahi hain kyun tarane Yeh kaisa shaad har shah-o-gada hai

Yeh kaise shadiyane baj rahe hain Yeh kyun baab-e-musarrat aaj waa hai

Tahayyur jab barha haatif pukara Raza-e-Qadri dulha bana hai

Barati hain tamami Ahle-Sunnat Raza-e-Qadri dulha bana hai

Tawakkul ke shajar mein phal yeh aaya Ke Abdul-Mustafa dulha bana hai

Tarane gaa rahi hain qumriyan aaj Ke Abdul-Mustafa dulha bana hai

Ummeedon ke khule hain aaj ghunche Ke Abdul-Mustafa dulha bana hai

Bareilly ka naseeba jagmagaya Ke Abdul-Mustafa dulha bana hai

Barati aa rahe hain wajd karte Ke Abdul-Mustafa dulha bana hai

Yeh dekho sadqa-e-Siddiq-e-Akbar Ke Abdul-Mustafa dulha bana hai

Yeh hai Farooq-e-Azam ki karamat Ke Abdul-Mustafa dulha bana hai

Karam Usman-e-Zunnoorain ka hai Ke Abdul-Mustafa dulha bana hai

Sakhawat hai Ali Murtaza ki Ke Abdul-Mustafa dulha bana hai

Ghata Baghdad se uthi karam ki Ke Abdul-Mustafa dulha bana hai

Yeh hai Baghdad wale ka tasarruf Ke Abdul-Mustafa dulha bana hai

Mubarak Ahle-Sunnat ko mubarak Raza-e-Qadri dulha bana hai

Kahein kyonkar na achhe tujh ko achha Huzoor achhe ka toh achha hua hai

Bhikari aa rahe hain bheek lene Raza ke dars-e-baara bat raha hai

Jalein aada-e-deen naar-e-hasad mein Ke yun hi un ki qismat ka buda hai

Instant Access to Thousands of Lyrics - Tap to Install!

Raza kyonkar na ho aada pe ghalib Ke woh toh naib-e-Sher-e-Khuda hai

Munafiq hai adu is aastaan ka Jo Sunni hai woh is dar ka guda hai

Rukh-e-Qibla agar poochho toh keh doon Dar-e-Ahmad Raza Qibla-numa hai

Bi-hamd-illah khushbu-e-Raza se Dimagh-e-Ahle-Sunnat bas raha hai

Phale un ka Ilahi bagh-e-aulad Yeh har Sunni ke lab par iltija hai

Jameel-e-Qadri Alhamdulillah Ke tu is aastane ka guda hai