Subh e Azal Ka Hai Woh Tara

Subh-e-azal ka hai woh tara Bola Rab, jab use pukara

Chand aur suraj hath par us ke Hairan waqt-e-subaat par us ke Buniyaad-e-Islam khari hai Mimbar-e-irshadaat par us ke Gawah Quran ka har para Bola Rab, jab use pukara

Lauh-e-amal peshani us ki Mehnat bhi wajdani us ki Hauslon ko bhi naaz hai us par Mashaqqatein diwani us ki Faqon par bhi us ka ijara Bola Rab, jab use pukara

Offline Lyrics Anytime, Anywhere - Download the App Today!

Dhoop bhi us ki rim jhim rim jhim Tehi dasti bhi mun'im mun'im Saya bhi ik aaina khana Khamoshi bhi ek mu'allim-e Lutf-e-nazar bhi ek idara Bola Rab, jab use pukara

Sab se pyara sab se chehita Phir bhi us par kya nahi beeta Qail us ki sab meezaanein Karam se us ke koi na jeeta Sabr se us ke zulm bhi hara Bola Rab, jab use pukara

Dil kheenche us ki dori ne Roohon ko baante aaine Phool khilaye sehraon mein Toofanon ko diye safine Ban gayi har ik mauj kinara Bola Rab jab use pukara

Ek Nabi ﷺ ke char khalifa Sab ka lekin ek wazifa Us ka har ik lafz shahadat Us ka har kirdar sahifa Parhne wale parhein dobara Bola Rab, jab use pukara