Shukar Khuda Ke Aaj

Shukr-e-Khuda ke aaj ghari us safar ki hai Jis par nisar jaan-e-falah-o-zafar ki hai

Garmi hai tap hai dard hai kulfat safar ki hai Nashukr yeh toh dekh azimat kidhar ki hai

Kis khaak-e-paak ki tu bani khaak-e-pa shifa Tujh ko qasam Janab-e-Masiha ke sar ki hai

Aab-e-hayat rooh hai Zarqa ki boond boond Ikseer-e-azam mass-e-dil khaak-e-dar ki hai

Hum ko toh apne saye mein aaram hi se laye Heelay bahane walon ko yeh raah dar ki hai

Lut-te hain mare jate hain yun hi suna kiye Har baar di woh aman ke ghairat-e-Hazr ki hai

Woh dekho jagmagati hai shab aur qamar abhi Pahron nahin ke bast-o-chaharum Safar ki hai

Mah-e-Madinah apni tajalli ata kare! Yeh dhalti chandni toh pahar do pahar ki hai

Man zara turbati wajabat lahu shafa’ati Un par durood jin se naveed in bashar ki hai

Instant Access to Thousands of Lyrics - Tap to Install!

Is ke tufail hajj bhi Khuda ne kara diye Asl-e-murad hazri is paak dar ki hai

Ka’aba ka naam tak na liya Taibah hi kaha Pucha tha hum se jis ne ke nahzat kidhar ki hai

Ka’aba bhi hai inhin ki tajalli ka ek zill Roshan inhi ke aks se putli hajar ki hai

Hote kahan Khalil-o-bina Ka’aba-o-Mina Laulak wale sahib-i-sab tere ghar ki hai

Maula Ali ne wari teri neend par namaz Aur woh bhi Asr sab se jo aala khatar ki hai

Siddiq balkeh ghar mein jaan is pe de chuke Aur hifz-e-jaan toh jaan furooz-e-gharar ki hai

Haan tu ne un ko jaan inhein pher di namaz Par woh toh kar chuke the jo karni bashar ki hai

Sabit hua ke jumla faraiz furoo hain Asl-ul-usool bandagi us tajwar ki hai

Shar-khair-shor-soor-sharar-door-naar-noor! Bushra ke bargah yeh Khair-ul-bashar ki hai

Mujrim bulaye aaye hain ja’ooka hai gawah Phir rad ho kab yeh shaan kareemon ke dar ki hai

Bad hain magar unhin ke hain baghi nahin hain hum Najdi na aaye is ko yeh manzil khatar ki hai

Taf Najdiyat na kufr na Islam sab pe harf Kafir idhar ki hai na udhar ki adhar ki hai

Hakim Hakeem daad-o-dawa dein yeh kuch na dein Mardood yeh murad kis aayat, khabar ki hai

Shakl-e-bashar mein noor-e-Ilahi agar na ho! Kya qadr us khameeri-e-ma-o-madar ki hai

Noor-e-Ilah kya hai mohabbat Habib ki Jis dil mein yeh na ho woh jagah khook-o-khar ki hai

Zikr-e-Khuda jo un se juda chaho Najdiyo! Wallah zikr-e-haq nahin kunji saqar ki hai

Be un ke wasta ke Khuda kuch ata kare Hasha ghalat ghalat yeh hawas be-basar ki hai

Maqsood yeh hain Adam-o-Nooh-o-Khalil se Tukhm-e-karam mein sari karamat samar ki hai

Un ki nabuwwat un ki ubuwwat hai sab ko aam Umm-ul-bashar aroos inhin ke pisar ki hai

Zahir mein mere phool haqiqat mein mere nakhl Is gul ki yaad mein yeh sada Bualbashar ki hai

Pehle ho un ki yaad ke paye jila namaz Yeh kehti hai azaan jo pichle pahar ki hai

Dunya mazar-e-hashr jahan hain Ghafoor hain Har manzil apne chand ki manzil ghafar ki hai

Un par durood jin ko hajar tak karen salam Un par salam jin ko tahiyyat shajar ki hai

Un par durood jin ko kasi-e-be-kasaan kahen Un par salam jin ko khabar be-khabar ki hai

Jinn-o-bashar salam ko hazir hain assalam Yeh bargah Malik-e-jinn-o-bashar ki hai

Shams-o-qamar salam ko hazir hain assalam Khoobi inhin ki jot se shams-o-qamar ki hai

Sab bahr-o-bar salam ko hazir hain assalam Tamleek inhin ke naam toh har bahr-o-bar ki hai

Sang-o-shajar salam ko hazir hain assalam Kalme se tar zaban darakht-o-hajar ki hai

Arz-o-asar salam ko hazir hain assalam Malja yeh bargah dua-o-asar ki hai

Shorida sar salam ko hazir hain assalam Rahat inhin ke qadmon mein shorida sar ki hai

Khasta jigar salam ko hazir hain assalam Marham yahin ki khaak toh khasta jigar ki hai

Sab khushk-o-tar salam ko hazir hain assalam Yeh jalwa-gah Malik-e-har khushk-o-tar ki hai

Sab karr-o-far salam ko hazir hain assalam Topi yahin toh khaak pe har karr-o-far ki hai

Ahl-e-nazar salam ko hazir hain assalam Yeh gard hi toh surma sab ahl-e-nazar ki hai

Aansu baha ke beh gaye kaale gunah ke dher Hathi dubao jheel yahan chashm-e-tar ki hai

Teri qaza khalifa-e-ahkaam-e-Zul-Jalal Teri raza haleef-e-qaza-o-qadar ki hai

Yeh pyari pyari kyari tere khana-bagh ki Sard is ki aab-o-tab se aatish-e-saqar ki hai

Jannat mein aake naar mein jata nahin koi Shukr-e-Khuda naveed-e-najat-o-zafar ki hai

Momin hoon mominon pe ra’oofur-Raheem ho Sail hoon sailon ko khushi la-nahar ki hai

Daman ka wasta mujhe us dhoop se bacha Mujh ko toh shaaq jaaron mein is dopahar ki hai

Maa dono bhai bete bhatije aziz dost Sab tujh ko sonpe milk hi sab tere ghar ki hai

Jin jin muradon ke liye ahbab ne kaha Pesh-e-Khabir kiya mujhe hajat khabar ki hai

Fazl-e-Khuda se ghaib shahadat hua inhin Is par shahadat aayat-o-wahi-o-asar ki hai

Kehna na kehne wale the jab se toh ittila Maula ko qaul-o-qail-o-har khushk-o-tar ki hai

Un par kitab utri bayanan-likulli-shai Tafseel jis mein ma-abaro-ma-ghabar ki hai

Aage rahi ata woh ba-qadr-e-talab toh kya Aadat yahan umeed se bhi beshtar ki hai

Be mange dene wale ki ne’amat mein gharq hain Mange se jo mile kise fahm is qadr ki hai

Ahbab is se barh ke toh shayad na payen arz Nakarda arz arz yeh tarz-e-digar ki hai

Dandan ka naat khwan hoon na payab ho gi aab Nadi gale gale mere aab-e-guhar ki hai

Dasht-e-Haram mein rehne de sayyad agar tujhe Mitti aziz bulbul-e-be-baal-o-par ki hai

Ya Rabb Raza na Ahmad-e-pareena ho ke jaye Yeh bargah tere Habib-e-ab’ar ki hai

Taufeeq de ke aage na paida ho khoo-e-bad Tabdeel kar jo khaslat-e-bad peshtar ki hai

Aa kuch suna de ishq ke bolon mein ae Raza! Mushtaq tab’a lazzat-e-soz-e-jigar ki hai