Shor Meh e No Sun Kar

شورِ مہِ نو سن کر تجھ تک میں دَواں آیا ساقی میں ترے صدقے مے دے رمضاں آیا

اس گل کے سوا ہر پھول باگوش گراں آیا دیکھے ہی گی اے بلبل جب وقتِ فغاں آیا

جب بامِ تجَلّی پر وہ نیّرِ جاں آیا سر تھا جو گرا جھک کر دل تھا جو تپاں آیا

Why Screenshot When You Can Download? Get the App for Efficient Storage!

جنّت کو حَرم سمجھا آتے تو یہاں آیا اب تک کے ہر اک کا منھ کہتا ہوں کہاں آیا

طیبہ کے سوا سب باغ پامالِ فنا ہوں گے دیکھو گے چمن والو! جب عَہْدِ خزاں آیا

سر اور وہ سنگِ در آنکھ اور وہ بزمِ نور ظالم کو وطن کا دھیان آیا تو کہاں آیا

کچھ نعت کے طبقے کا عَالم ہی نرالا ہے سکتہ میں پڑی ہے عقل چکر میں گماں آیا

جلتی تھی زمیں کیسی تھی دھوپ کڑی کیسی لو وہ قدِ بے سایہ اب سایہ کناں آیا

طیبہ سے ہم آتے ہیں کہیے تو جناں والو کیا دیکھ کے جیتا ہے جو واں سے یہاں آیا

لے طوقِ اَلم سے اَب آزاد ہو اے قُمری چٹھی لیے بخشِش کی وہ سَروِ رواں آیا

نامہ سے رضاؔ کے اَب مٹ جاؤ بُرے کامو دیکھو مِرے پلّہ پَر وہ اَچھے میاں آیا

بدکار رضاؔ خوش ہو بدکام بھلے ہوں گے وہ اَچھے میاں پیارا اَچھوں کا میاں آیا