Sarwar e Do Jahan

Sarwar-e-do jahan Tajdar-e-shahan

Rahmat-e-baikaran Jannat-e-asiyan

Ba’is-e-zindagi Maqsad-e-kun fakan

Adl ki roshni Pyar ka karwan

Meer-e-insaniyat Peer-e-mehnat kashan

Qibla-e-be-jahat Manzil-e-ashiqan

Burj-e-Mahmood ke Shahid-o-razdan

Abd-o-ma’bood ke Darmiyan darmiyan

Aap ki reh-guzar Kehkashan kehkashan

Saya bhi subh gar Aahatein bhi azaan

Naqsh-e-pa ki mureed Sarhad-e-lamakan

Bekason ki umeed Benawa ki zaban

Sabt kirdar par Anginat khubiyan

Mujh gunahgar par Mustaqil meherban

Mere pyare Huzoor ﷺ Shan-e-Rabb-e-Ghafoor

Zindagi ka suroor Ghamgusar-e-nushoor

Rabb-e-masjood ka Ek chauthai noor

Ya’ni ma’bood ka Bandagi mein zuhoor

Aap ko dekh kar Sangdil chakna choor

Aap ke husn par Aainon ko ghuroor

Faqr, jaan-e-ghina Inkisari, ghayoor

Khaak-e-pa aaina Aaina, barq-e-Toor

Khwan-e-Khair-ul-Bashar Jau ki roti, khajoor

Un ke qari shajar Un ke zakir, tuyoor

Shehar-e-ilm-o-yaqeen Bahr-e-aql-o-shaoor

Utna dil ke qareen Jitna aankhon se door

Woh sarapa karam Main mujassam, qusoor

Hashr ka kyon ho gham Hogi bakhshish zaroor

Be-misal-o-matheel Aks-e-Rabb-e-Jaleel

Aaqilon ke aqeel Aadilon ke adeel

Fusaha ke faseeh Wukala ke wakeel

Justaju-e-Maseeh ؑ Arzoo-e-Khaleel

Warith-e-harf-o-saut Wali-e-qal-o-qeel

Zindagi jaisi maut Waqf jaisa raheel

Tandurust un ka deen Sab mazahib aleel

Haq ke woh ham-nasheen Un ka da’wa daleel

Un ka mitti ka ghar Roshni ki faseel

Un ka sin mukhtasar Un ke sajde taweel

Un ke talway miley Aariz-e-Jibraeel

Un ke qadmon tulay Hashr ka sang-e-meel

Download Lyrics & Access Offline - Install Our App Now!

Jangalon mein banein Ungliyan mein sabeel

Sirf mere nahin Kul jahan ke kafeel