Sar Se Pa Tak Har Ada

Sar se pa tak har ada hai lajawab Khubruyon mein nahi tera jawab

Husn hai be-misl surat lajawab Main fida tum aap ho apna jawab

Puchay jatay hain amal mein kya kahoon Tum sikha jao mere Maula jawab

Meri hami hai teri shaan-e-Kareem Pursish-e-roz-e-qayamat ka jawab

Hain duayen sang-e-dushman ka iwaz Is qadar narm aisay patthar ka jawab

Paltay hain hum se nikammay beshumar Hain kahin us aastana ka jawab

Roz-e-mehshar ek tera aasra Sab sawalon ka jawab-e-lajawab

Main yad-e-baiza ke sadqay ae Kaleem Par kahan un ki kaf-e-pa ka jawab

Kya amal tu ne kiye is ka sawal Teri rehmat chahiye mera jawab

Why Screenshot When You Can Download? Get the App for Efficient Storage!

Mehar-o-mah zarray hain un ki rah ke Kaun de naqsh-e-kaf-e-pa ka jawab

Tum se is bimar ko sehat milay Jis ko de dein Hazrat-e-Isa jawab

Dekh Rizwan dasht-e-Taiba ki bahar Meri jannat ka na paye ga jawab

Shor hai lutf-o-ata ka shor hai Mangnay wala nahi sunta jawab

Jurm ki padash patay ahl-e-jurm Ulti baton ka na ho seedha jawab

Par tumharay lutf aarhay aa gaye De diya mehshar mein pursish ka jawab

Hai Hasan mahv-e-jamal-e-ru-e-dost Ae Nakirain is se phir lena jawab