Sahib e Izat o Jalal Aaqa

Sahib-e-izzat-o-jalal Aqa Tu hai ba-azmat-o-kamal Aqa

Har sifat teri lazawal Aqa Bil-yaqeen tu hai bemisaal Aqa

Main hoon bad-khuluq-o-bad-khisal Aqa Tum ho khush-khuluq-o-khush-maqal Aqa

Ranj-o-gham ne kiya nidhal Aqa Aqa Aqa mujhe sambhaal Aqa

Main hoon be-roop be-jamal Aqa Kuch nahi dhang aur kamal Aqa

Teri rehmat hi se mili izzat Khaak mujh mein hai kuch kamal Aqa

Qatl karne adu charh aaya tha Bach gaya hoon main baal baal Aqa

Tere hote huye mira ab kyun Koi beeka karega baal Aqa

Thokarein dar-ba-dar ki kyun khaaun Tere dam se hoon maala-maal Aqa

Haq ke pyaare hain aap aur pyaara Aap ka Rabb-e-Zuljalal Aqa

Sab haseenon se bil-yaqeen barh kar Husn tera tira jamal Aqa

Tum ne hi sar-bulandiyan bakhshein Mujh mein kuch bhi na tha kamal Aqa

Bad-khasail nikaal kar Sarwar Do bana mujhko khush-khisal Aqa

Apne gham mein rulaaiye har dam Az-paye Hazrat-e-Bilal Aqa

Mera seena Madinah ban jaaye Az-paye Rabb-e-Zuljalal Aqa

Aap ne sirf apni rehmat se Bakhshi izzat diya jalal Aqa

Gande gande wasawis aate hain Mere dil se unhein nikaal Aqa

Yad-e-Taiba mein gum rahoon hardam Tera har dam rahe khayal Aqa

Ahl-e-Islam ghalib aayein aur Kafiron ko lage zawal Aqa

Kaash! is saal main Madine mein Dekhoon Ramzan ka hilal Aqa

Husn-e-akhlaq aur narmi do Door ho khu-e-ishtial Aqa

Your Lyrics, Even Offline - Install the App for Free!

Sabz gumbad ke saaye mein mera Kaash! ho jaaye inteqal Aqa

Lar-kharaye mire qadam jab bhi Tum ne barh kar liya sambhaal Aqa

Is maraz se bhi tum shifa de do Jharte rehte hain mere baal Aqa

Lab khulein gul jharein faza mehke Tum pe qurbaan main, khush-maqal Aqa

Kaash! Attar ka ho Taiba mein Tere jalwon mein inteqal Aqa