Roshan Hai Do Alam Mein

Roshan hai do aalam mein mah-e-ru-e-Muhammad Konain hai aks-e-rukh-e-neko-e-Muhammad

Taabaan hai har ik shay mein rukh-e-pak ka jalwa Har gul se chali aati hai khushbu-e-Muhammad

Zahir yeh hua ayat-e-Allah-u-rama se Hai quwwat-e-Haq taqat-e-bazu-e-Muhammad

Jab naib-o-mehboob-e-Khuda aap hi thehre Phir kyun na ho har cheez pe qabu-e-Muhammad

Kaabe ki taraf koi na sar apna jhukata Jhukta na agar woh su-e-abru-e-Muhammad

Stop Wasting Storage - Download Lyrics in Lightweight Text Format!

Makhlooq hai juya-e-raza-mandi-e-Khaliq Allah Ta'ala hai raza ju-e-Muhammad

Deti hai du'aon se toh eizaon ka badla Kya khoob hai aadat teri ae khu-e-Muhammad

Jab hashr mein koi bhi karega na sifarish Ghabraye hue aayenge sab su-e-Muhammad

Sab muntazir-e-rehmat-e-Ma'bood hain lekin Hai Dawar-e-Hashr ki nazar su-e-Muhammad

Un par na padein kis liye aalam ki nigahain Hai Dawar-e-Hashr ki nazar su-e-Muhammad

Barse gi shafa'at ki bharran ummat-e-Shah par Jis waqt khule hashr mein gesu-e-Muhammad

Mar jaaun Madine ke biyaban mein Ilahi Ho na'sh meri aur sag-e-ku-e-Muhammad

Tareeki-e-marqad se jo ghabraye dil-e-zaar Purnoor banayein usay gesu-e-Muhammad

Jannat toh manaye gi chalo meri taraf ko Aur main yeh kahun ga ke nahi su-e-Muhammad

Tab jaan mein jaan aaye Jameel-e-Razvi ke Sag apna banayein jo sag-e-ku-e-Muhammad