Rashk e Qamar Hun

Rashk-e-Qamar hoon rang-e-rukh-e-Aftab hoon Zarra tera jo ae Shah-e-gardoon janab hoon

Durr-e-Najaf hoon gohar-e-pak-e-Khushab hoon Ya'ni turab-e-rah-guzar-e-Bu Turab hoon

Gar aankh hoon to abr ki chashm-e-pur-aab hoon Dil hoon to barq ka dil-e-pur-iztirab hoon

Khooneen jigar hoon ta'ir-e-be-aashiyan shaha Rang-e-pareeda-e-rukh-e-gul ka jawab hoon

Be-asl o be-sabat hoon bahr-e-karam madad Parwarda-e-kinar-e-sarab o habab hoon

Ibrat faza hai sharm-e-gunah se mera sukoot Goya lab-e-khamosh-e-lahad ka jawab hoon

Kyun nala-e-soz le karoon kyun khoon-e-dil piyoon Seekh-e-kabab hoon na main jaam-e-sharab hoon

Dil basta be-qarar, jigar chaak, ashkbar Ghuncha hoon gul hoon barq-e-tapan hoon sahab hoon

Da'wa hai sab se teri shafa'at pe beshtar Daftar mein aasiyon ke shaha intikhab hoon

Maula duhaai nazron se gir kar jala ghulam Ashk-e-muzhah raseeda-e-chashm-e-kabab hoon

Mit jaaye yeh khudi to woh jalwa kahan nahin Darda main aap apni nazar ka hijab hoon

Sadqay hoon us pe naar se dega jo mukhlisi Bulbul nahin ke aatish-e-gul par kabab hoon

Qalib tahi kiye hama aaghosh hai hilal Ae Shahsawar-e-Tayyab! main teri rakab hoon

More Lyrics, Less Storage - Install the App and Ditch the Screenshots!

Kya kya hain tujh se naaz tere qasr ko ke main Ka'ba ki jaan, arsh-e-bareen ka jawab hoon

Shaha bujhay saqar mere ashkon se taana main Aab-e-abas chakeeda-e-chashm-e-kabab hoon

Main to kaha hi chahoon ke banda hoon Shah ka Par lutf jab hai keh dein agar woh janaab "hoon"

Hasrat mein khaak bosi-e-Tayyaba ki ae Raza Tapka jo chashm-e-mehr se woh khoon-e-naab hoon