Ral Khushiyan Yaar Manao

رل خوشیاں یار مناؤ، اللہ نے کرم کمایا ساڈا کملی والا آیا، ساڈا کملی والا آیا

اج ہوئیاں چار چوفیرے اوہدے کرم دیاں برساتاں ہویا نور دا نوری چانن سب مُکیاں کالیاں راتاں تسیں فرشیو فرش سجاؤ، اللہ وی عرش سجایا ساڈا کملی والا آیا، ساڈا کملی والا آیا

واہ بھاگ حلیمہ تیرے تینو ملیا کملی والا تیری جھولی دے وچ آیا جہڑا دو جگ دا رکھوالا نئیں ملیا ہور کسے نوں، تینوں ملیا جو سرمایا ساڈا کملی والا آیا، ساڈا کملی والا آیا

بختاں دے ماریو رل کے اج لٹ لو خوشی دے میلے تسیں عاصیو او گنہ گارو! کرو شکرِ خدا ہر ویلے محبوب دے صدقے رب نے رحمت دا مینہ وسایا ساڈا کملی والا آیا، ساڈا کملی والا آیا

Instant Access to Thousands of Lyrics - Tap to Install!

منگدا نئیں نیازی شاہی نئیں منگدا ہور خزینہ میں اپنی وچ حیاتی تک لاں اک وار مدینہ اپنے محبوب دے صدقے کر پوری آس خدایا ساڈا کملی والا آیا، ساڈا کملی والا آیا