Ya Mustafa Khair ul Wara Tere Jaya Koi Nahi

یا مصطفٰی خیرالوریٰ تیرے جیا کوئی نہیں کینوں کہواں تیرے جیا تیرے جیا کوئی نہیں

تیرے جیا سوہنا نبی لبھاں تے تاں جے ہووے کوئی سانوں تاں ہے ایناں پتہ تیرے جیا کوئی نہیں

اقصٰی دے وچہ آقا میرے پڑھ کے نماز پیچھے تیرے نبیاں نے وی ایہو کہیا تیرے جیا کوئی نہیں

گودی چہ لے کے سرکار نوں سوہنے مٹھل منٹھارنوں آکھے حلیمہ سعدیہ تیرے جیا کوئی نہیں

من مونہیا نبیﷺ سوہنیا ، قرآن ہے تیرا نعت خواں عرب و عجم دے والیا ، تیرے جیا کوئی نہیں

رب نیئں کہیا تیرا موڑ دا ، دل نیئں کدی تیرا توڑ دا مندا خدا تیری رضا ، تیرے جیا کوئی نہیں

ہووے فقیر یا بادشاہ ، بھاویں گدا نیازی جیا سب کهاندے نیں صدقہ تیرا ، تیرے جیا کوئی نہیں