Rah e Irfan Se Jo Hum

Rah-e-irfaan se jo hum na-deeda-ro mehram nahi Mustafa hai masnad-e-irshad par kuch gham nahi

Hoon musalmaan garcha naqis hi sahi ae kamilo! Mahiyat paani ki aakhir yam se nam mein kam nahi

Ghunche ma-awha ke jo chatke dana ke bagh mein Bulbul-e-sidrah tak unki boo se bhi mehram nahi

Us mein zam zam hai ke tham tham is mein jam jam hai ke besh Kasrat-e-Kausar mein zam zam ki tarah kam kam nahi

Panja-e-mehr-e-Arab hai jis se darya beh gaye Chashma-e-khursheed mein to naam ko bhi nam nahi

Aisa ummi kis liye minat kash-e-ustaad ho Kya kifayat usko Iqra rabbukal akram nahi

Aws mehr-e-hashr par par jaye pyaso to sahi Us gul-e-khandaan ka rona girya-e-shabnam nahi

Free Up Space - Get Lyrics Without Bulky Screenshots!

Hai unhi ke dam qadam ki bagh-e-aalam mein bahaar Woh na the aalam na tha gar woh na hon aalam nahi

Saya-e-deewar-o-khak-e-dar ho ya Rabb aur Raza Khwahish-e-deheem-e-Qaiser, shauq-e-takht-e-Jam nahi