Qismat Meri Chamkaye Aaqa

Qismat meri chamkaye chamkaye Aqa ﷺ Mujh ko bhi dar-e-Paak pe bulvaiye Aqa ﷺ

Seene mein ho Kaaba to basay dil mein Madinah Aankhon mein meri aap samaa jaye Aqa ﷺ

Betab hoon bechain hoon deedar ki khater Tarpayen na ab khwab mein aajaaye Aqa ﷺ

Har-samat se aafat o baliyat ne ghheera Majboor ki emdaad ko ab aaye Aqa ﷺ

Your Lyrics, Even Offline - Install the App for Free!

Sukraat ka alam hai Shahaa! dam hai labon par Tashreef-e-siraane mere in laaye Aqa ﷺ

Wahshat hai andheera meri qabar ke andar Aakar zara roshan use farmaaye Aqa ﷺ

Mujrim ko liye jaate hain ab soye Jahannam Lillah shafa'at meri farmaaye Aqa ﷺ

Attar pe ho behar Rida itni inayat Virana dil aake basaye Aqa ﷺ