Qibla o Kaaba e Eman Rasool Arabi

Qibla-o-Kaaba-e-imaan Rasool-e-Arabi Do jahan aap pe qurban Rasool-e-Arabi

Chand ho tum jo Rasoolan-e-salaf taare hain Sab Nabi dil hain toh tum jaan Rasool-e-Arabi

Sadqa Hussain ka roze pe bula lo mujh ko Hind mein hoon main pareshan Rasool-e-Arabi

Never Be Without Your Favorite Lyrics - Get the App for Offline Access!

Kis ki mushkil mein teri zaat na aaṛe aayi Tera kis par nahin ehsaan Rasool-e-Arabi

Koi behtar hai toh behtar se bhi behtar toh hai Sab aala hai teri shaan Rasool-e-Arabi

Tera deedar hai deedar-e-Ilahi mujh ko Teri ulfat mera imaan Rasool-e-Arabi

Majma-e-hashr mein us shaan se aaye Bedam Haath mein ho tera daaman Rasool-e-Arabi