Qibla Ka Bhi Kaaba

Qibla ka bhi Kaaba rukh-e-neeko nazar aaya Kaaba ka bhi qibla kham-e-abroo nazar aaya

Mahshar mein kisi ne bhi meri baat na poochhi Haami nazar aaya to bas ik tu nazar aaya

Phir band-e-kashakash mein giraftar na dekhe Jab mojza-e-jumbish-e-abroo nazar aaya

Us dil ke fida jo hai teri deed ka talib Un aankhon ke qurban jinhein tu nazar aaya

Sultan-o-gada hain sab tere dar ke bhikari Har haath mein darwaza ka bazu nazar aaya

No Internet? No Problem! Get the App for Offline Lyrics!

Sajda ko jhuka jaaye Ibrahim mein Kaaba Jab qibla-e-konain ka abroo nazar aaya

Bazaar-e-qayamat mein jinhein koi na poochhe Aison ka khareedar hamein tu nazar aaya

Mahshar mein gunehgar ka palla hua bhari Palla pe jo woh qurb-e-tarazu nazar aaya

Ya dekhne wala tha tera ya tera joya Jo hum ko Khuda-been-o-Khuda-ju nazar aaya

Shal haath salateen ke uthay bahar-e-gadai Darwaza tera quwwat-e-bazu nazar aaya

Yousuf se haseen aur tamanna-e-nazzara Aalam mein na tum sa koi khush-roo nazar aaya

Faryad-e-ghareeban se hai mahshar mein woh be-chain Kausar pe tha ya qurb-e-tarazu nazar aaya

Takleef utha kar bhi dua maangi adu ki Khush-khulq na aisa koi khush-kho nazar aaya

Zahir hain Hasan Ahmad-e-Mukhtar ke ma'ne Konain pe Sarkar ka qaboo nazar aaya