Qabool Banda e Dar Ka

Qubool bandah-e-dar ka salam kar lena Sagan-e-Taibah mein tehreer naam kar lena

Mere gunahon ke daftar khulein jo pesh-e-Khuda Huzoor us ghadi tum lutf-e-taam kar lena

Jo chahte ho ke ho sard aatish-e-dozakh Dilon pe naqsh-e-Muhammad ka naam kar lena

Mila hai khoob hi nuskha gunahgaron ko Tumhare naam se dozakh haram kar lena

Tumhare husn mein rakh kar kashish kaha Haq ne Ke dushmanon ko dikha kar ghulam kar lena

Yeh hai Huzoor ka hi martaba shab-e-meraj Baghair wasta Rab se kalam kar lena

Habib arsh se bhi paar ja ke Rab se mile Kaleem ko tha muyassar kalam kar lena

Khuda ne keh diya Mehboob se ke mehshar mein Gunahgaron ka tum intezam kar lena

Hai naz'a o qabr o qayamat ka khauf agar tum ko To wird-e-naam-e-Nabi subh o sham kar lena

Find Your Favorite Lyrics Anytime, Anywhere - Install the App Today!

Madine jaate hain zaireen to un se kehta hoon Meri taraf se bhi arz-e-ik salam kar lena

Jameel-e-Qadri utho jo azm-e-Taibah hai Chalo yeh umr wahin par tamam kar lena