Poochtay Kya Ho Arsh Par

Poochhte kya ho Arsh par yun gaye Mustafa ﷺ ke yun Kaif ke par jahan jalain koi bataye kya ke yun

Qasr-e-duna ke raaz mein aqlein to gum hain jaisi hain Rooh-e-Quds se pochiye tum ne bhi kuch suna ke yun

Main ne kaha ke jalwa-e-asal mein kis tarah gamin Subah ne noor-e-mehr mein mit ke dikha diya ke yun

Offline Lyrics Anytime, Anywhere - Download the App Today!

Haaye re zauq-e-bekhudi dil jo sambhalne sa laga Chhak ke mehak mein phool ki girne lagi saba ke yun

Dil ko de noor-o-daagh-e-ishq phir main fida do-neem kar Mana hai sun ke shaqq-e-maah aankhon se ab dikha ke yun

Dil ko hai fikr kis tarah murday jilate hain Huzoor ﷺ Ae main fida laga kar ek thokar isay bata ke yun

Baagh mein shukr-e-wasl tha hajr mein haaye haaye gul Kaam hai un ke zikr se khair woh yun hua ke yun

Jo kahay sher-o-paas-e-shar dono ka husn kyun kar aaye La usay pesh-e-jalwa zamzama-e-Razaؔ ke yun