Phoolon Ki Baharain Bhool Gaye

Phoolon ki bahaaren bhool gaye kaise hain sitaaray bhool gaye Jis din se Madinah dekha hai hum saare nazaare bhool gaye

Sarkaar jahan bhi yaad aaye phir yaad nahin koi aaya Yoon un ki ata mein mahwoye hum jurm bhi saare bhool gaye

Kuch itna karam farmaate hain Sarkaar to apne mangatoon par Zinda hain sahaare par un ke ghairon ke sahaare bhool gaye

Hai sab yeh ata-e ishq-e-Nabi ashkon ki nai taqeer mili Dukh dard samajhte the jin ko dukh dard ke mare bhool gaye

Dil mehvo hai yaad-e-Saroor mein toofan ka koi khauf nahi Har waqt sukoon ka aalam hai maujon ko kinaare bhool gaye

Ab phool baraste rehte hain aankhon se bajaaye shola-e gham Yeh zikr-e-Nabi ka sadaqa hai daaman ko sharaare bhool gaye

Izzat bhi mili shohrat bhi mili dunya ki sayyadaat bhi pai Bas un ka sahaara yaad raha duniya ke sahare bhool gaye

Quran se hum be-behra hain kya ishq-e-Nabi kehte hain usay Har ilm to azbar hai humko Quran ke paray bhool gaye

Kya mu'jaza-e Shams o Qamar bhi bhoolne wali baatein hain Nadaan hain bohot jo Aqa ki ungli ke ishaaray bhool gaye

No Internet? No Problem! Get the App for Offline Lyrics!

Jab naam Nabi ka Ay Khalid likha hua kashti par dekha Kashti ko dabone aaye the toofan ke dhaare bhool gaye