Phirty Hain Nazar Main

Phirtey hain nazar mein dar-o-deewar-e-Madinah Hain rashk-e-jinaan koocha-o-bazaar-e-Madinah

Yeh noor ki basti hai ke jalwon ka nagar hai Allah re taabani-e-anwaar-e-Madinah

Har saans mein boo-baas hai hub-e-Nabawi ki Mehka gayi rainaai-e-gulzaar-e-Madinah

Paaband-e-adab chahiye saans aur nazar bhi Naazuk hai arsh se bahut darbaar-e-Madinah

Dil kyun na ho ma'moor Shah-e-Deen ke karam se Jab rehte hain dil mein mere sarkar-e-Madinah

Download Lyrics & Access Offline - Install Our App Now!

Guzrey hain isi rah se khuraamaan Shah-e-Wala Haan Qutub pata dete hain aasaar-e-Madinah